𝐁𝐥𝐞𝐧𝐝𝐞𝐫 𝐚𝐧𝐝 𝐌𝐚𝐲𝐚 𝟑𝐃 𝐒𝐨𝐟𝐭𝐰𝐚𝐫𝐞 , ဘယ်ဟာ လေ့လာသင့်လဲ … ? (2)

(𝟒) 𝐌𝐚𝐲𝐚 𝐈𝐧𝐝𝐢𝐞

Autodesk Maya ကို တလချင်းဝယ်သုံးတာ တနှစ်စာ၊ သုံးနှစ်စာ၊

တဦးတည်းသုံးတာ၊ အစုအဖွဲ့အတွက်သုံးတာ စသည်ဖြင့်

license subscription တွေ မျိုးစုံရှိတယ်။ တလ $ 200 ကျော်ကနေ သုံးနှစ်အတွက် $ 5000 လောက်ထိ သတ်မှတ်ထားပြီး စျေးနှုန်းနဲ့ ထိုက်တန်တဲ့ service, support လည်း အပြည့်ရကြပါတယ်။

ဒါဟာ Business လုပ်နေတဲ့ သူတွေ၊ Company တွေအတွက် ဆိုလိုတာပါ။

ကျောင်းသားနဲ့ ဝင်ငွေနည်းသူများအတွက် အထူးစျေးလည်း ရှိပါသေးတယ်။

Maya Software for Indie users လို့ ခေါ်ပါတယ်။

သတ်မှတ်ထားတဲ့ အချက်တွေနဲ့ ကိုက်ရင် Maya Indie ကို ဝယ်သုံးခွင့်ရှိတယ်။

Indie, Profession Version အားလုံး Function, Supporting အတူတူဘဲဆိုပါတယ်။

Maya Indie အတွက် နေရာ၊ နိုင်ငံလိုက်ပြီး စျေးနှုန်း မတူပါဘူး။

အာရှအတွက် စင်ကာပူ region လေ့လာကြည့်ရင်

တနှစ်စာအတွက် Singapore $ 375, လောက်ရှိတယ်။

ကံမကောင်းတဲ့ အချက်က မြန်မာဟာ region list ထဲမပါ၊

တရားဝင်စျေးနှုန်း တွက်ပြထားတာမျိုးမရှိ၊

လျှောက်ဖို့တောင် ခက်တယ်လို့ ပြောနိုင်ပါတယ်။

စျေးကလည်း တနှစ်စာ အတွက် Singapore $ 375 ဘဲလို့ ပြောပေမယ့် မြန်မာငွေတွက်ကြည့်ရင် 500000 ပတ်ဝန်းကျင်ပါ။ ပြည်တွင်း စျေးကွက်အရ

Maya based project အသေးတခု လက်ခံ လုပ်ရင်တောင်

ခုလိုအချိန် ဒီ ‌ငွေကြေး amount ရဖို့ မသေချာလို့ ဝယ်သုံးကြမယ် မထင်ပါဘူး။ Maya က အလုပ်သေချာမှသုံး၊ Project ပမာဏ အကြီးကြီးတွေ ကိုင်နိုင်တဲ့ အချိန်မျိုးမှ ဝယ်သုံး၊ သူဌေးသုံး software ဖြစ်နေတဲ့ သဘောပါဘဲ။

ဒါပေမယ့် မဝယ်နိုင်ရင် Maya သုံးခွင့် မရှိတာလားဆိုတော့ မဟုတ်ပါ။

Support မရှိတာတခုကလွဲရင် Paid Version လို သုံးနိုင်တဲ့ Cracked တွေ ပေါပါတယ်။ မြန်မာမပြောနဲ့၊ ချမ်းသာတဲ့ နိုင်ငံသားတွေတောင်

Crack Version သုံးပြီး အလုပ်ဖြစ်နေသူတွေ အများကြီးရှိပါတယ်။

(𝟓) 𝐇𝐚𝐫𝐝 𝐒𝐤𝐢𝐥𝐥𝐬 𝐚𝐧𝐝 𝐒𝐨𝐟𝐭 𝐒𝐤𝐢𝐥𝐥𝐬

Blender , Maya တို့ဟာ 3d Software တွေသာ ဖြစ်ပါတယ်။

နှစ်ခုလုံးက Basic 3D Works တွေ လုပ်နိုင်တယ်။

ကိုယ်က သင်ယူဖို့လည်း လွယ်တယ်။

ဒါပေမယ့် သူတို့ နှစ်ခုလုံးက Creative Arts ဆိုတာကို သင်မပေးနိုင်ဘူး။

ဒါအရေးကြီးပါတယ်။ Design Thinking, Propotion, Light and Shadow, Shading, Composition, Balance, Timing, Weight, Color, Animation Theory, စသဖြင့် အနုပညာ ဖန်တီးမှုအတွက် အရေးကြီးတဲ့ skill လိုအပ်ချက်တွေကို 3D Software က သင်မပေးနိုင်ဘူးလို့ ဆိုလိုတာပါ။

Blender, Maya, ဘယ် software မဆို Tools တွေသာ ဖြစ်တယ်။

ဒီနေရာမှာ Modeling, Texturing, Rigging … စတာတွေဟာ

Hard Skills တွေလို့ ပြောပါမယ်။

Blender, Maya ဘယ်ထဲမှာမဆို လုပ်နိုင်တယ်။

အချိန်တိုတွင်းလည်း တတ်လွယ်ပါတယ်။

ဒါပေမယ့် Model တခု မှန်ကန်အောင် လုပ်နိုင်ဖို့၊

အရောင်သွေး ရောစပ်တတ်ဖို့၊ Character ထဲ feeling, expression, emotion ဘယ်လို့ ထည့်ဖို့ ဆိုတာတွေက Soft Skills အမျိုးအစား ဖြစ်ပြီး ဒါကို 3d software များက သင်မပေးနိုင်ပါ။

Soft Skills ကို တနေရာရာက၊ တနည်းနည်းနဲ့ သင်ယူတတ်မြောက်လာပြီးမှ

3D Software တွေထဲ အသုံးချတာဖြစ်တယ်။

တနည်းအားဖြင့် 3d Software ဆိုတာ အသုံးချခံ

လက်နက် ကရိယာတမျိုးသာ ဖြစ်ပါတယ်။

Blender က ဘယ်လို အလုပ်အတွက် သုံးရလွယ်ပြီး Maya က

ဘယ်နေရာမှာ ပို အဆင်ပြေတယ်လောက်ဘဲ ကွာတာမျိုးဖြစ်ပါတယ်။

ဘာသုံးသင့်လဲ ဆိုတာအတွက် ကောက်ချက်ချနိုင်တာက

Professional Artists များရဲ့ အမြင်အတိုင်း ပြောရရင်

ကိုယ်နှစ်သက်ရာကို သုံးနိုင်တယ်။ အရေးကြီးဆုံးက Soft Skills ပြည့်ဝနေဖို့ပါဘဲ။

(𝟔) 𝐒𝐨𝐟𝐭𝐰𝐚𝐫𝐞 𝐂𝐡𝐨𝐢𝐜𝐞

Blender ဟာ Production Pipeline တခုလုံး အတွက်

သူ့တမျိုးတည်း သုံးနိုင်တဲ့ Software ဖြစ်တယ်။

3D, 2D အကုန် ရတယ်၊ Sculpting ပါတယ်။ vfx လည်းတတ်နိုင်တယ်။

Compositing ရှိတယ်, Color Correction လည်းလုပ်နိုင်တယ်,

Camera Tracking ဆို လည်းရ၊ Video Editing အတွက်တောင် အခြား software သုံးစရာ မလိုအောင် ဖန်တီးထားတာမျိုးပါ။

တကယ်လို့ ကိုယ်ဟာ 3D Production Process တခုလုံး

နားလည်ထားတယ်။ Freelancer ဖြစ်မယ်။

ဒါမှမဟုတ် Small Studio လေးနဲ့ Group ဖွဲ့ လုပ်ကိုင်နေတာမျိုး

ဆိုရင် Blender က အကောင်းဆုံး ဖြစ်နိုင်ပါတယ်။ Blender ကို ရွေးပါ။

တကယ်လို့ ကိုယ်က Specialist ဖြစ်တယ်။ ဆိုလိုတာ Professional Skill တမျိုးမျိုးကို Master Level မြောက် တတ်ထားတယ်။

ဥပမာ၊ Modeling Specialist, Animation Specialist, Rendering Specialist ဖြစ်ရင် Maya က ပိုကောင်းပါလိမ့်မယ်။ ဘာလို့လဲဆိုတော့ Maya ဟာ Blender လို Function အစုံ ပါတာမျိုး မဟုတ်ပေမယ့်၊

သူနိုင်နင်းတဲ့ Modeling, Rigging, Animation, Lighting ,

Rendering and fx, များအတွက်တော့ အားကောင်းဆဲ stable ဖြစ်ပြီးသား၊

Software တခုအဖြစ် ရှိနေသေးလို့ ဖြစ်ပါတယ်။

Blender နဲ့ အားလုံးလုပ်နိုင်တယ်။ ဒါပေမယ့် တချို့အားနဲချက်တွေ ရှိနေတယ်။

ဥပမာ Maya Sculpting ဟာ Blender လောက် မကောင်းဘူး၊ ဒါပေမယ့် Blender Sculpting ဟာ Zbrush ကို ဒီနေ့ထိ မကျော်နိုင်သေး။

VFX အတွက် Blender တတ်နိုင်ပါတယ်။

သို့သော် သူ Houdini ကို လုံးဝ မမှီသေးတာလည်း သေချာပါတယ်။

ဒါကြောင့် Big Studios တွေ၊ Production House တွေမှာ

သက်ဆိုင်ရာ Master များ သီးသန့်စုစည်း ခန့်ထားပြီး လိုအပ်တဲ့ ပညာရပ်နယ်ပယ်တခုအတွက် အကောင်းဆုံး Software တွေသုံး၊ Production Pipeline တည်ဆောက်၊ Artworks တွေထုတ်လုပ် ဖန်တီးနိုင်ကြတာ ဖြစ်ပါတယ်။ Post အပိုင်း (၁) ရဲ့ , အပိုဒ် (၂), မှာ ရေးခဲ့တဲ့

Top Level Animation & VFX Studios မှာ တွဲဖက် သုံးနေကြတဲ့

Software အတွဲအစပ်များဟာ ဒီသဘောတရားပါဘဲ။

Blender ဟာ အလုံးစုံတတ်နိုင်ပေမယ့်၊ တခုချင်းစီမှာ Right Level အပြည့် မရောက်သေးတာမျိုး ရှိနေပြီး၊ ဒီအချက်ဟာ Industry Standard မဟုတ်သေးလို့ ပြောနေကြတဲ့ အခြေခံ အကြောင်းအရင်းတခု ဖြစ်ပါတယ်။

(𝟕) 𝐅𝐢𝐧𝐚𝐥 𝐂𝐨𝐧𝐜𝐥𝐮𝐬𝐢𝐨𝐧

နောက်ဆုံး ကောက်ချက်ချနိုင်ဖို့ Professional Artist တချို့ရဲ့

မှတ်ချက်တွေ၊ အကြံပြုချက်တွေကို မှီငြမ်းပြီး အဆုံးသပ်ပါမယ်။

ကိုယ့်အတွက် ဘယ်ဟာ ပိုကောင်းတယ်၊ ဘာကို လေ့လာသင့်ပါတယ် ဆိုတာအတွက် အောက်ပါ အချက်များကို အခြေခံပြီး စဥ်းစား ရွေးချယ်နိုင်ဖို့ ရည်ရွယ်ပါတယ်။

(𝟕.𝟏) 𝐈𝐧𝐝𝐮𝐬𝐭𝐫𝐲 𝐒𝐭𝐚𝐧𝐝𝐚𝐫𝐝

Studios တွေမှာ လုပ်ချင်တယ်။ လုပ်နိုင်အောင် ကြိုးစားမယ်လို့

ရည်မှန်းချက် ရှိရင် Maya ကို ရွေးပါ။ Industry Standard အကြောင်း

အပိုင်း (၁) မှာ အကြမ်းဖျဥ်း ရေးခဲ့ပြီး ဖြစ်ပါတယ်။

(𝟕.𝟐) 𝐏𝐫𝐢𝐜𝐞

ကိုယ်ပိုင် business ဘဲလုပ်မယ်။ ဒါမှမဟုတ် Maya အတွက် ငွေအကုန်မခံချင်ရင် Blender ကိုရွေးပါ။ Industry Standard ဆိုတာ Blender အတွက် တချိန်ချိန် ဖြစ်လာနိုင်ချေ ရှိတာမို့ Blender Choice လုပ်ထားတာ မှားတယ်လို့ တပ်အပ် မပြောနိုင်သေးပါဘူး။

(ဒီနေရာမှာ မြန်မာတွေအတွက် တမျိုး တွေးနိုင်တာရှိပါတယ်)

Blender က , ဥပဒေအရကိုက တရားဝင်သုံးခွင့်ရှိတယ်။

Maya က ဝယ်မသုံးရင် တရားမဝင်။

သို့သော် ဥပဒေက အဝေးကြီးမှာ၊ ဖြစ်ချင်တာတွေ ဖြစ်ချင်သလို ဖြစ်နေတဲ့ နေရာမို့ Blender , Maya ဘာသုံးသုံး ဒီမှာ ပြဿနာမရှိ။

Blender ကို သူ့ site မှာ ပေါ်တင် ဒေါင်းပြီး သုံးခွင့်၊ စီးပွားလုပ်ခွင့်ရှိတယ်။

Maya က ဝယ်မသုံးနိုင်ရင် တချို့ Beginner များအတွက်

တကယ်အလုပ်ဖြစ်တဲ့ cracked version ရှာရခက်တယ်၊

ရခဲ့ရင် Blender လိုဘဲ၊ သူကနေ ငွေရှာလို့ရတယ်။

ရှာနေတဲ့သူတွေလည်း များမှများ။

အဲဒါအတွက် ဘယ်သူကမှ copyright ဘာညာနဲ့

တရားလာမစွဲနိုင်သေးဘူး။

(𝟕.𝟑) 𝐆𝐞𝐧𝐞𝐫𝐚𝐥𝐢𝐬𝐭 𝐯𝐬 𝐒𝐩𝐞𝐜𝐢𝐚𝐥𝐢𝐬𝐭

Production Process တခုလုံး နားလည်ထားမယ်။ အလုပ်လည်း ဖြစ်တယ်။

ဥပမာ Character Animation အတွက် Modeling to Rendering, Editing တွေ သိထားရင် Generalist လို့ ခေါ်နိုင်ပါတယ်။ ဒါပေမယ့် Generalist များက High Quality Products ထုတ်နိုင်ဖို့ မလွယ်ပါဘူး။ အကြောင်းအရာတခုကို အတွင်းကျကျ သေချာ သိထားသူတွေ စုပေါင်းလုပ်နိုင်မှ High Quality ဖြစ်လာတာပါ။ အဲလောက် မစုဖွဲ့နိုင်သေးဘဲ၊ တနိုင်တပိုင် လုပ်မယ်ဆိုရင်

Generalist အနေနဲ့ ရပ်တည်ပြီး Blender ရွေးပါ။

Specialist ဆိုတာ Professional Skill တမျိုးမျိုးကို Master Level တတ်ထားသူလို့ အပိုဒ် (6) Software Choice မှာ ရှင်းပြခဲ့ပါတယ်။

Animation ရဲ့ အလုပ် သဘောတရားကိုက အစုအဖွဲ့နဲ့ အချိန်ယူ၊

နည်းပညာနဲ့၊ အနုပညာအရည်အချင်းတွေ ပေါင်းစပ်

ဖန်တီး ရတာမျိုး ဖြစ်ပါတယ်။ Studios တွေမှာလည်း

ဒီသဘောလုပ်ကြရပြီး, Industry Standard တွေနဲ့လည်း ကိုက်ညီတာမို့

Specialist အနေနဲ့ ရပ်တည်မယ်ဆို Maya ကို ရွေးချယ်ပါ။

(𝟕.𝟒) 𝐒𝐮𝐩𝐩𝐨𝐫𝐭𝐢𝐧𝐠

Industry Standard နဲ့ ကိုက်ညီ / မညီ ကို Software Support အပိုင်း ထည့်

သွင်း ဆုံးဖြတ်ကြတဲ့ အကြောင်း အပိုင်း (၁) မှာ ဖေါ်ပြခဲ့ပါတယ်။

ငွေသုံးရင် Support ရမယ်။ မသုံးရင် ကိုယ်တိုင်ဖြေရှင်းရမယ်။

ဒီအချက်က မြန်မာအတွက်တော့ သိပ်မထူးပါဘူး။

Personal Use လောက် အသာထားပါဦး။

အချို့ tv channel, entertainment လုပ်ငန်းကြီးတွေလည်း

Graphic Editing, 2D, 3D Animation Software တွေ ဝယ်မသုံးတာရှိပါတယ်။ Window System တောင် Cracked တွေနဲ့ ခပ်တည်တည် ငွေရှာနေတာမျိုးပါ။ အားလုံး မဆိုလိုပါဘူး။ ဝယ်မသုံးတဲ့ အတွက် ဘာ support မှ မရှိ၊

ကိုယ့်အရပ်နဲ့ ကိုယ့်ဇာတ် အဆင်ပြေသလို သွားနေကြတာပါဘဲ။

ဒါကြောင့် Supporting ဆိုတာ မြန်မာတဦးချင်းအတွက် မထူး။

Blender, Maya ရွေးချယ်ဖို့ ဒီအချက်က အကျိုးသက်ရောက်မှု သိပ်ရှိမယ် မထင်ပါ။

(𝟕.𝟓) 𝐒𝐨𝐟𝐭 𝐒𝐤𝐢𝐥𝐥𝐬

Softskills က အရေးအကြီးဆုံးဖြစ်ပါတယ်။ ကိုယ့်ရဲ့ creativity ကောင်းရင်

software အရေးပါမှုက နောက်တန်းရောက်သွားပါလိမ့်မယ်။ ဒါပေမယ့်

Software တွေရဲ့ Function နဲ့ Tools အချင်းချင်း၊ အားသာချက် အားနဲချက်

နှိုင်းယှဥ်သိထားဖို့ လိုပါတယ်။ ဆိုခဲ့တဲ့အတိုင်း Software သုံးတတ်တဲ့ Hard Skills က သင်ယူဖို့ လွယ်ပြီး၊ Soft Skills က ပိုခက်၊ အချိန် ပိုယူရတာမျိုးပါ။

ဥပမာ .. Modeling က Blender မှာ ကိုယ့်အတွက် ပိုလွယ်ရင် Blender သုံးပြီး၊ Animation အတွက် Maya ပိုကောင်းတယ်ဆို Maya သုံးပါဆိုတဲ့ အကြံပြုချက်မျိုး ဖြစ်တယ်။ Beginner များအတွက်တော့ သိပ်အဆင်မပြေသေးဘဲ၊ အချိန်တခုရောက်မှ ပိုထိရောက်မယ် ထင်ပါတယ်။

ဒါကြောင့် Soft Skills ပြည့်အောင်လုပ်၊ အပေါ် သုံးချက်ကို အခြေခံပြီး Blender / Maya Choice ကို ဆုံးဖြတ်နိုင်မှာပါ။

3D Software ရွေးချယ်ရာမှာ ထည့်သွင်းစဥ်းစားသင့်တဲ့ အချက်တွေကို

တင်ပြခဲ့တာ ဖြစ်ပါတယ်။ Software တွေ ပို ကောင်းတယ်

မကောင်းဘူးဆိုတာထက်၊ ဘာကြောင့် ဒီလိုတွေ ဖြစ်နေပါတယ်၊

ဒါကြောင့် ဒီလို အခြေအနေမှာ ဒါကို ရွေးသင့်ပါတယ်လို့ ၊

ဆိုလိုတာ ဖြစ်ပါတယ်။ 3D Software များနဲ့

မရင်းနှီးသေးသူများအတွက် အကျိုးရှိစေမယ်လို့ ထင်ပါတယ်။

အကြောင်းအရာ၊ အချက်အလက်ပိုင်း လိုအပ်ချက်ရှိနိုင်တာမို့ လွတ်လပ်စွာ

ဖြည့်စွက်၊ ဝေဖန်အကြံပြုနိုင်ပါကြောင်း ပြောလိုပါတယ်။

အဆုံးထိ ဖတ်ခဲ့လို့ ကျေးဇူးတင်ပါတယ်ခင်ဗျာ။

𝐙&𝐓 𝐀𝐧𝐢𝐦𝐚𝐭𝐢𝐨𝐧 𝐚𝐧𝐝 𝐕𝐅𝐗

𝐁𝐥𝐞𝐧𝐝𝐞𝐫 𝐚𝐧𝐝 𝐌𝐚𝐲𝐚 𝟑𝐃 𝐒𝐨𝐟𝐭𝐰𝐚𝐫𝐞 , ဘယ်ဟာ လေ့လာသင့်လဲ … ? (1) ဖတ်ရန်